حوار مع الله الشاعره ناهد فاروق

فى لـحـظـة من لحظـات حـيـاتـى..انا قررت افتحـلـك قـلـبــى
عايزك تجاوب على سؤلاتى..وانا هاحكيلك..ومـش راح اخبى

عـــــــارف ؟؟؟؟
ســـاعــات..بـكــون خــايـــف
ومــن خـوفـى مـش شـايــف
بـشــوف الـغـلــط صـــــح
وبـشـــتــم وبـجــــرح
((ارشــدنــى يــا ربــى))

ســاعــات كــتـيـــر..بحس بالوحدة والغربة
وكأن الدنيا دى كلها مافيهاش اهل ولا احبة
والتعامل مع الناس بجد اصبح حاجة صعبة
((انـا مـحـتـاجـلـك تـكـون جـنـبـى))

ســاعــات بـخــدم وبـتـعـامـل مـــع الـنـاس بــكــل حــــب
واسـتـنـى اشـوف مـنـهـم..بـس ابتسامة تنسينى كل الـتـعــب
لـــكــن كــتـيــــــر بـيـكــون الــرد.. اصـعـب من أى ضــرب
((نفسى اعـرف: انـا ايه بـس ذنـبـى؟))

لـــكــــن
ارجـــع وافـتـــكـــر ..اد ايــــه انــــت بـتـسـتـحـمـلـنـى
و لــمــا بــبـــعـــد عـنــــك..بـتـدور عـلـيــا وبـتـرجـعـنـى
ولـمـا فـضـيـقـتـى بندهـلـك ..بسـرعة بتسمعـنى وبتـنـجـدنـى
وفـأحـزانى..مش بتنسـانى..بتمسح كـل دموعى..وبـتـفـرحـنى
وكــــل مـا بـغـلــط.......بـتـغـفــرلــيـــا وبـتـســامــحـنــى

يــــا احـــن مــن كــــل الــد نـيـــــا عــلـيــــا
انــت اللـى عـلـمـتـنـى مـعــــنـى الـحـنـيـــة
تـعـــالا يــارب.. اســكـن قـلـبـى ونـور لى عـنـيـا
وارشــــدنــى وعـلــمـنـى بـكـل مـحـبــة ابـويـــة
انا وياك..مش محتاجة اى حاجة من الدنيا ديا
حـوار بـقـلـم:شــاعـرة الــشـهـداء
نــاهــد فــاروق شــاروبيم